СЕХА: Вардар и Е. Пелистер дома ќе бркаат пласман на Ф4 турнирот во Задар

Е. Пелистер во Битола во четвртфиналето на СЕХА ќе игра со Мешков Брест/Фото: instagram.com/rkeurofarmpelister/

На состанокот на Извршниот комитет на СЕХА одржан на 12 јули 2022 година, донесена е одлука за продолжување на натпреварувањето во сезоната 2021/22.

Како што најавува претседателот на регионалното натпреварување, Михајло Михајловски, сезоната на СЕХА – Газпром лигата 2021/22 ќе продолжи во август 2022 година, со четвртфиналните натпревари кои ќе се играат помеѓу 8 и 25 август 2022 година, а Фајнал-фор турнирот ќе се органиизира од 2 до 4 септември во градот Задар, Хрватска.

По анализата и пресметката на просечниот пласман на екипите во сите сезони во кои учествуваа во СЕХА, осумте најдобропласирани екипи ќе учествуваат во четвртфиналните натпревари. Двојките од четвртфиналните натпревари се решени со жрепка и ќе се одигра само еден натпревар помеѓу следните двојки. Домаќините беа решени и со жрепка одржана на состанокот на Извршниот комитет на СЕХА.

Двојките од четвртфиналето во СЕХА лигата (сезона 2021/2022):

Татран Прешов – Веспрем
Вардар 1961 – Нексе
Војводина – ППД Загреб
Е. Пелистер – Мешков Брест

Доколку скопските „црвено-црни“ триумфираат против Нексе, во полуфиналето на Ф4 турнирот ќе играат со подобриот од пресметката Војводина – ППД Загреб. А доколку битолчани слават против Мешков Брест, во полуфиналниот меч ќе се сретне со Татран Прешов или Веспрем.

Е. Пелистер ќе игра во групната фаза во Лигата на Европа

Видео на денот