СЕХА Лигата од следната сезона ќе брои 12 екипи, а една од двете нови екипи кои ќе настапуваат во регионалното ракометно натпреварување ќе биде и кинески тим, Пекинг Спортс Универзитет.

– Деветтата сезона на СЕХА Гаспром лигата ќе донесе многу новини во нашата лига, а еден од нив ќе биде кинескиот тим Пекинг спорт универзитет, кој ќе се натпреварува од следната сезона. Нашата цел е да го развиеме регионалниот ракомет и да донесеме нешто ново, револуционерно во регионот. Со овој потег ги прошируваме хоризонти и пазари во југоисточна Европа, но и надвор од европските граници –  изјави Михајло Михајловски, претседателот на СЕХА лигата.

Базата на кинескиот тим ќе биде во Хрватска, а титулата ќе ја брани македонскиот шампион Вардар кој во финалето беше поуспешен од Загреб.