Новата натпреварувачка сезона во СЕХА Газпром лигата според најавите ќе стартува на 10 октомври, одлучи раководството на ова регионално натпреварување.

Овој пат лигата ќе има 10 екипи, македонскиот ракомет ќе го претставуваат екипите на Вардар 1961 и Еурофарм Пелистер.

Лигата е поделена во две групи од по пет екипи. Поделбата е направена според географски принцип, со цел да се избегнат долгите патувања, а екипите од иста земја ќе бидат одвоени во разни групи.

Вардар 1961 кој неодамна беше дел од Ф4 турнирот во Задар и го освои второто место се наоѓа во групата „А“ заедно со Татран Прешов (Словачка), Војводина (Србија), Мотор Запорожје (Украина) и Нексе Нашице (Хрватска).

Еурофарм Пелистер од Битола се наоѓа во нешто поатрактивна група, со три екипи кои партиципираа на последниот Фајнал-фор турнир, Веспрем (Унгарија), ППД Загреб (Хрватска) и Мешков Брест (Белорусија), а тука е и српскиот состав на Војводина.

СЕХА Газпром лига
Сезона 2020/21

Група „А“: Вардар, Татран Прешов, Војводина, Мотор Запорожје, Нексе Нашице

Група „Б“: Еурофарм Пелистер, Веспрем, Загреб, Мешков Брест, Металопластика