Сега стручњаците нека објаснат како победивме – Слободен печат
ОстанатoСпорт

Сега стручњаците нека објаснат како победивме

Селекторот Никола Матијашевиќ не можеше да остане рамнодушен по големата победа на неговите избраници и тоа над домаќинот Словенија. Матијашевиќ по победата не остана имун ниту на нападите од „стручњаците“ .

– Македонија отсекогаш играше како што треба, но овие последни два меча јас морам да им честитам на сите играчи на многу работи. Ова е најголем нивен резултат. Она што се договоривме и синоќа и денес, како да играме, како да блокираме, го исполнивме. Ова е голема заслуга на целата екипа. Се надевам дека сега ќе ги поминеме границите и ќе одиме во Франција. Математички, не е обезбедено ништо, но како и да е ова е голем успех. Се надевам дека ќе има стручњаци во Македонија кои ќе ги објаснат добрите игри, како што ги објаснија и лошите игри. Во тимот има 14 момци што не сакаа да попуштат дури и кога губевме. Направивме повеќе блокови и тоа не против било кој противник, туку Словенија – порача селекторот Матијашевиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close