Иран може да ги потоне воените бродови на САД со помош на „тајно оружје“ , изјави денеска советникот на иранската воена команда, генералот Мортеза Корбани.

– Америка испраќа два воени брода во регионот. Ако направат и најмала глупост, ќе ги испратиме на дното на морето, заедно со екипажот и авионите, со помош на две ракети или две нови тајни оружја“, изјави Рохани – пренесуваат светските медиуми.

Западните експерти велат дека Иран често ги преувеличува своите воени способности, иако нејзината ракетна програма влева страв, посебно балистичките ракети со далечен дострел, пренесува „Ројтерс“.

Друг ирански генерал, Хасан Сеифи, денеска оцени дека „рационалните Американци и искусните американски команданти“, веројатно нема да преземат „радикални дејствија“ во Вашингтон и ќе спречат војна со Иран.