Во Израел над седумдесет проценти од жителите на возраст над шеснаесет години ја примија својата прва доза од вакцината против корона вирусот, рече денес министтерот за здравство Јули Еделштајн.
Тој на Твитер напиша дека 4,456 милиони луѓе ја примиле една доза од вакцината, од кои 3,076 милиони ја примиле и втората.
Неделава почнува еврејскиот празник Пурим, и министерот предупреди за можна „масовна зараза од планиираните прослави“. Лани по овој празник имаше голем број заразени со коронавирусот, затоа властите сега се претпазливи.
„Ќе воведеме ноќен полициски час во деновите на Пурим“, рече Еделштејн.
Викендов земјата почна да ги поттикнува луѓето да се вакцинираат против ковид-19, а податоците од министерството за здравство покажуваат дека вакцината на Фајзер и БиоНТек е ефиксна.
Видео на денот