Седум заразени медицински лица во прилепската болница, гинеколошкото одделение може да функционира
Според епидемиолошкиот извештај, пациентите не се загрозени бидејќи персоналот постојано е во заштитна опрема. Богоески нагласува дека одделението може да функционира реорганизирано и да ги изведува згравствените услуги.
Четири болничарки и три медицински сестри од прилепското гинеколошко-акушерско одделение се позитивни на Ковид-19, а 9 здравствени лица кои биле во контакт се пратени во изолација. Ова се најновите случаи на заразаени здравствени работници во прилепската болница. Според епидемиолошкиот извештај – нема други заразени, а надлежните велат дека одделението може да функционира реорганизирано.
Драган Богојески, директор на Градската болница „Борка Талески” во Прилеп информира дека инфекцијата е внесена од надвор од една болничарка и истакна дека таа не криела.
– Инфекцијата е внесена од надвор од една болничарка и е раширена помеѓу останатиот персонал. Во изолација се 9 здравствени работници, нотирани со висок ризик кои биле во поблизок контакт со позитивните. Само првозаразената болничарка е хоспитаслизирана на Инфективното одделение, другите се на домашно лекување со помали симптоми. Направено е тестирање на сите здравствени работници во гинеколошкото одделение. Освен овие седум, нема други заразени. Болничарката не криела. Имала некои симптоми на настинка, мислела дека е обична настинка, не се сомневала бидејќи, како што вели самата, немала сознание дека била во контакт со некој заразен. Кога добила температура била пратена на тестирање и тогаш е утврдено дека е позитивна на корона вирусот и е отстранета од работното место. Хоспитализирана е на инфективното одделение, а другите 6 заразени се на домашно лекување. Сите лекари во гинеколошкото одделение се негативни – изјави Богојески.
Според епидемиолошкиот извештај, пациентите не се загрозени бидејќи персоналот постојано е во заштитна опрема. Богоески нагласува дека одделението може да функционира реорганизирано и да ги изведува згравствените услуги.
Во соработка со главната сестра и раководителот на гинеколошкото одделение, работата е организирана и продолжува да функционира одделението, со намален број персонал, со реструктуирање. Се изведуваат сите породувања, воедно одделението ги работи сите итни здравствени услуги спрема пациентите од Прилеп и од регионот.
– Во моментов персоналот кој е присутен работи со пациентите, обезбеден со сите заштитни средства. Сакам да кажам дека можноста и ризикот се сведени на минимум за да се заболи или да се зарази некој од пациентите што доаѓаат на преглед како и пациентите кои лежат на гинеколошкото одделение. Попладнево се врши дезинфекција на одделението – вели Богојески.