Седум победници од групите се четвртфиналисти во ЛШ, недостасува само еден!
Баерн, Реал Мадрид, Манчестер сити, Ливерпул, Челси, Борусија Дортмунд и ПСЖ се екипите кои беа први во своите групи во Лигата на шампионите оваа сезона.
И сите тие на некој начин рутински ја минаа првата рунда од нокаут фазата и се пласираа во четвртфиналето.
Единствениот од вкупно осум освојувачи на првото место што не минаа меѓу осумте најдобри е Јувентус, „Старата дама“ беше елиминирана од Порто во осминафиналето.
Португалците славеа со 2:1 на првиот натпревар на домашен терен, а потоа загубија со 3:2 во Торино по продолженијата, што им донесе место во следната фаза поради повеќе постигнати голови на гости.
Јуве ги разочара своите навивачи, а италијанскиот фудбал доживеа крах, бидејќи за првпат од сезоната 2015/16 нема да има претставник во четвртфиналето од ЛШ.
Покрај составот на Андреа Пирло, во осминафиналето беа елиминирани уште Лацио (од Баерн Минхен) и Аталанта (од Реал Мадрид), а Интер не ја помина групата.
Ова е само шести пат од основањето на Лигата на шампионите во 1992 година, што ниту еден клуб од Серија А нема да се најде во четвртфиналето. Ова исто така се случи во сезоните 2000/01, 2001/02, 2008/09, 2013/14 и 2015/16 година.