Седми ден протести во Белград, граѓани излегоа и на улиците во Ниш и Зрењанин

Фото: EPA-EFE/ANDREJ CUKIC

Во Белград пред парламентот се собраа десетици луѓе, а ги има и во Пионерскиот парк.

Во Белград, Ниш и Зрењанин се собраа граѓани кои не се задоволни од српската влада и мерките кои ги презема државата, јавува Нова.рс.

Протестите првите два дена беа прилично бурни, дојде до бројни судири на полицијата и демонстрантите. Сепак, постепено се смируваа, но и има се помалку луѓе на улиците.

Н1 јавува дека протестите секој ден почнуваат се подоцна. Луѓето полека пристигнуваат да видат што се случува, но многумина кратко се задржуваат и се оддалечуваат од местото на настанот. Се чини дека на протестите има повеќе десничари кои извикуваат, а граѓанскиот дел од демонстрантите се држат по страна.

На главниот градски плоштад во Зрењанин почна петтиот протест, но излегоа нешто повеќе од 50 лица.

Во Ниш граѓаните шести ден по ред излегоа на улиците и го блокираа сообраќајот.

Во Белград пред парламентот се собраа десетици луѓе, а ги има и во Пионерскиот парк.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот