Да си членка на НАТО и на ЕУ не е доволно да се залагаш декларативно, туку политичките субјекти поединечно треба да се залагаат и за споделување на истите вредности, ова беше тема на денешната „Седма сила“ на програмата на ТВ Нова на веб изданието на Слободен печат.

Гости беа новинарите и аналитичари Љупчо Зиков, Ненад Јовановиќ и Борјан Јовановски.

Со членството во НАТО простор за други глобални влианија во Македонија има малку, вели Љупчо Зиков во емисјиата „Седма сила“ на Слободен печат.
-ЕУ има свој предизвик во овој период а тоа да се дефинира и позиционира и таа кон Запаниот Балкан. Самиот факт што сеуште не е доволно позиционирана ја чини неа геостратешки ризик, затоа што оставајчи го тој простор недефиниран остава простор за Русија на Балканот и моѓност да се размислува и за некои други сценарија, а тоа ќе се види во март на состанокот за Западен Балкан.

Ненад Јовановиќ смета дека и покрај најавите за т.н.„ крја на историјата“ во стварноста се движат два блока:
-Еден е источен со сиот свој ориентализам и другиот западен кој се држи до владеење на правото, до човековите права, граќански иницијативи и т.н. и оваа опција е единствениот важен курс за оваа земја. Очигледно оној исгточниот е производ и создавач на кризи национализам и популизам, па и апсолутизам. Оттаму и нашите десни популисти се консументи на тие вредности и политики кои постојано генерираат криза. За разлика од нив оваа влада со сите свои дубиози сепак се определила за западните вредности.

Факт е дека Декларативноста ЗА ЕУ и НАТО можеби се претворила во флоскула смета Борјан Јовановски но според него не е допрена супстанцата по тоа прашање:
– Ако ги погледнете учебниците и што децата учат по историја ќе видите дека образовниот систем е сеуште обремент со тие митови и национализми со култ за цврста рака, и се она што претставува репер на авторитарни вредности. Затоа имаме една шизофрена ситуација дека кога говориме за ЕУ и НАТО ние треба да подразбираме други вредности, како критички однос кон историјата, кон реалноста.