Откако во текот на вчерашниот ден беа објавени информации дека македонскиот репрезентативец ќе го преземе вториот тим на Динамо Загреб, истите добија и потврда.

Ќе ги води надежите на Динамо Загреб, тоа го потврди Гоце Седлоски (46) во изјава за „24sata.hr“:

– Ми се исполни желбата. Да, можам да ви потврдам дека ќе го преземам вториот тим на Динамо. Се знае колку го сакам Загреб и колку ми е мило што се враќам во Динамо – се зборовите на Седлоски кој седум години го носеше дресот на хрватскиот фудбалски гигант, а беше и капитен на „модрите“.

Нашиот стратег воедно не знае точно кога ќе отпатува за хрватскиот главен граде каде што има и стан. Сè зависи од мерките околу коронавирусот.

Последниот тренерски ангажман го имаше во босанскиот клуб Широки Бријег, а го водеше и Вардар против Динамо во Лигата на шампионите пред четири години.