Се враќаат и навивачите на фудбалските стадиони
Како што се вели во соопштението на полската лига, на навивачите ќе им биде дозволено да исполнат 25 отсто од капацитетот на стадионот.
Одреден број на навивачи ќе можат да присуствуваат на фудбалските натпревари во најсилниот полски шампионат од 19 јуни, но и во другите натпреварувања.
Како што се вели во соопштението на тамошната фудбалска федерација, на навивачите ќе им биде дозволено да исполнат 25 отсто од капацитетот на стадионот. Влезниците ќе се продаваат само онлајн.
Но, нема да бидат дозволени гостински навивачи поради пандемијата на коронавирус која и натаму е активна.
– Ова му е потребно на фудбалот. Протоколот им дава сигурност на сите. И 25% е масовен настан, но веруваме дека сè ќе оди добро и дека клубовите во овие тешки услови ќе бидат во можност да ги организираат нивните активности. Благодарност до премиерот за неговата помош, ова е многу важна информација за сите нас – рече претседателот на полската федерација, Збигњев Боњек.
Натпреварувањето во полската лига беше прекинато на 9 март, а ќе продолжи в петок без навивачи.
Враќањето на навивачите ќе биде регулирано со посебни санитарни прописи, кои беа утврдени од надлежните.
Fans can attend games at up to 25% of stadium capacity from June 19 in Poland's top division. https://t.co/0CUKVDejeD
— Graham Dunbar (@gdunbarap) May 29, 2020