Се вљуби во затвореник, па и таа заврши зад решетки
Работничка во затвор која се заљубила во еден „опасен“ затвореник во најголемиот британски машки затвор, осудена е на една година затвор поради оваа афера, пренесува српски „Курир“.
Ејшиа Ган (27) е осудена откако се најдени докази за забранетата врска со Курман Разак (29). Како што е наведено, двајцата разменувале бројни телефонски разговори и сексуално експлицитни фотографии и снимки, пренесуваат британските таблоиди.
Разак отслужува 12-годишна затворска казна поради грабеж во затворот Бервин.
На судот е кажано дека во нејзината соба се пронајдени фотографии од партнерите како се бакнуваат, а таа успеала во затворот за Разак да ги внесе и своите гаќички.
Ayshea Gunn, 27, is now behind bars after starting a four month fling with the prisoner https://t.co/pJWlEJ8GVZ
— Liverpool Echo (@LivEchonews) December 23, 2019
Исто така, утврдено е дека таа ја дала својата сметка на еден од соработниците на Разак и на него добила уплата од 1.500 фунти.
Обвинителот Сајмон Милс информирал дека Ган работела во затворот откако е отворен во февруари 2017 година. Таа исто така поминала и курсеви за превенција на корупција, како и тренинг во кој работниците во затворот се обучуваат да бидат свесни за ризиците од обидите на затворениците да ги заведат или искористат.
Обвинителот рекол и дека партнерите не биле воопшто суптилни во однос на нивната несоодветна врска.
Колегите забележале дека Ган поминувала повеќе време со Разак и често пати на подолги временски периоди заминувала во неговата ќелија. Спроведена е интерна истрага и прегледан е неговиот мобилен телефон во ќелијата. Обвинителот открил дека Разак често се јавувал на една жена, чие име било запишано како Кили Мејсон.
Кога ги прегледале снимките, препознаен е гласот на Ејши Ган, а меѓу двајцата се идентификувани 1.213 телефонски повици. Двајцата меѓусебно си испраќале екплицитни фотографии и видео записи, а останале во врска и кога таа била уапсена.
Во судот исто така е кажано дека Ган му праќала принтскрин-фотографии од разговори на апликацијата „Whatsapp“, во кои нејзините колеги разговарале за тактиките за претресување на келиите. Исто така, таа му купувала облека и на негово име се обложувала на натрепвари.
Нејзиниот бранител Питер Хантер рекол дека таа е свесна дека направила грешка и дека се кае за стореното. Според неговите зборови, таа подлегнала на комплиментите на Разак и неговото додворување, набрзо откако прекинала долга врска со дечко кој ја изневерил.
– Некој и покажал внимание и таа тоа го прифатила, што било навистина глупаво. Таа се кае и е посрамена – рекол тој.