Се вакцинираше Димитриевски, градоначалникот на Куманово

Градоначалникот Максим Димитриевски, денеска се вакцинираше на вакциналниот пункт во салата на средното училиште „Перо Наков“ во Куманово.

„Денеска примив „Синофарм“ вакцина, како и најголем број на граѓаните кои се вакцинираат овде. Инаку сите вакцини се добри, апсолутно верувам дека е сигурна и безбедна за секој граѓанин“, изјави Димитриевски.

Тој ја пофали организацијата во регионалниот пункт за масовна имунизација и се заблагодари на здравствените работници, волонтерите од Медицинскиот факултет од Штип, претставниците на Црвениот крст, МВР, АРМ за помошта и поддршката на граѓаните во процесот на имунизација.

Димитриевски ги повика граѓаните да го искористат правото, да се имунизираат, бидејќи тоа е најдобриот начин да се заштитат од вирусот.

Општината Куманово даде логистичка поддршка за оспособување на училишната сала „Перо Наков“ во населбата Бедиње во регионалниот пункт за масовна имунизација.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот