Пет лица, меѓу кои и едно дете, загинаа во пад на мал авион во југоисточниот француски регион Оверњ-Рона-Алпи.

Француската телевизија БФМТВ објави извештај од локалната полиција во која се наведува дека несреќата се случила на чистинка во близина на градот Адретс, во департманот Изер.

Малиот авион Џодел Д140 му припаѓал на аероклуб и бил на првиот лет. Тој полета од аеродромот Версуд во близина на Гренобл.

Според телевизијата Франс 3, во несреќата загинале четворица возрасни и едно дете.