Десетици пожарникарски и возила на итната помош вечерва се упатени на главниот лондонски аеродром, „Хитроу“, откако два патнички авиона се судриле на пистата, јавуваат локалните медиуми.

Инцидентот се случил вечерва околу 20 часот по локално време, а се знае само дека во него учествувале авионот на „Кориан Ер“ на летот KE908, кој удрил во авион на компанијата „Ајслендик“. Полицијата сѐ уште официјално не се огласи за несреќата.

На Твитер се појавија снимки од местото на инцидентот, во кој за малку е избегната голема трагедија.

Is this normal for Heathrow? Got to be 4 or 5 different emergency service vehicle with blue lights flashing on the tarmac. pic.twitter.com/IkNmGkFTC4

— Steve Smith – Broke Britannia (@BrokeBritannia) September 28, 2022

Патници информираа дека авионот на корејската авиокомпанија ја зафатил опашката на другото летало, кое било од исландската компанија „Ајслендик“.

We scraped the tail of an icelandair. Still sat at the gate pic.twitter.com/1jCoaYrC92

— ashley (@ashley50439353) September 28, 2022

Аеродромот потврди дека се случил „помал судир“, наведувајќи дека не се работи за сериозен инцидент, како и дека амбулантните и пожарникарските возила се испратени за секој случај, „за да се осигураат дека сите патници и членови на екипажот се безбедни и здрави“. Официјално, никој не е повреден во инцидентот.