Се шпекулира дека кралицата Елизабета пие по четири силни коктели секој ден
Во кралското семејство отсекогаш знаеле да се наздрават независно дали има повод за тоа или не. Традицијата се враќа неколку генерации наназад кога мајката на кралицата Елизабета, знаела да испие неколку чашки повеќе и дека со текот на годините почнале да кружат гласини дека таа има проблеми со алкохолот.
Во новата книга „Long Live the Queen! 13 Rules for Living of Britain’s Longest Reigning Monarch“, авторот Брајан Козловски посочува дека Кралицата Елизабета, наводно пиела четири коктели на ден – почнувајќи непосредно пред ручек.
Секако, ова е само гласина, затоа што поранешниот кралски готвач Дарен МекГрејди пак, ги негира тврдењата, велејќи дека кралицата би била „кисела“ доколку пие онолку колку што велат озборувањата.
Сепак, Козловски претпоставува дека врската на Кралицата Елизабета со алкохолот – во која редовно ужива, според сите извештаи – всушност може да биде тајната на нејзината долговечност и нејзината ментална благосостојба.
„За време на целото нејзино владеење, алкохолот отсекогаш служел во функција на ослободувач на стрес со брзо дејство – една доза на течна декомпресија во бурни денови“, изјавил тој.
Според Козловски, секојдневниот пијалок за декомпресија и антистрес е навика сместена во „сините зони“ – места со многу повисоки очекувања од просечниот живот низ целиот свет.
Тој го цитира и експертот за долговечност Ден Бунтер, кој го истражувал начинот на живот на луѓето во „сините зони“ и верува дека „може да биде и тоа што малку алкохол на крајот на денот го намалува стресот, што е добро за целокупното здравје.“