Нa социјалните мрежи се шири видео снимка „Убиј го Србинот“ снимена во трамвај во Загреб (ВИДЕО)
На социјалните мрежи денове е присутна и се шири видео снимка која е снимена во трамвај во Загреб, а на неа се гледа и слуша како две млади лица скандираат песна со текст „Убиј го Србинот“ – а во ист контекст во нивниот перформанс ги вреѓаат и Евреите, па „Циганите и Шиптарите“, Босанците, па дури и Хрватите, пренесува хрватскиот портал Индекс.хр.
На снимката се гледа како едно од лицата „дава ритам“ и свири на гитара, додека другиот облечен само во долен веш и чорапи на себе, недолично и агресивно се однесува во трамвајот додека ги скандира стиховите.
„Убиј, убиј го Србинот, таква му е судбината, а може и Хрвати, кој ви е*е матер, јас“ – скандираат тие.
Недоличното пеење на двете момчиња, збунето и молчеливо го следат останатите патници на трамвајот.
Песната е цинична?
Како што пренесува хрватскиот медиум, тие го поврзуваат ова скандирање со песната Бициклич од хрватскиот панк бенд Сакоман. Тие во својата песна имаат стих „Убиј, убиј го Србинот, таква му е судбината“, но како што пишува индекс, по него следувал стихот „Јас сум мал усташ, по цел ден го слушам Томпсон“ – се прашуваат дали овие момци биле иронични и сакале баш на овој агресивен начин да ја доловат песната на бендот која на циничен начин ги обработува друштвено политичките теми и го критикува национализмот. Од медиумот наведуваат дека потеклото на видеото е засега непознато, односно не се знае кога точно е снимено и дека ја контактирале полицијата која изјавува дека имаат секојдневно имаат премногу нови пријавени случаи и дека тешко е да се прецизира, па не знаат ни дали некој воопшто го пријавил овој случај во полиција.