Се шират немирите во Иран поради зголемувањето на цената на нафтата (ВИДЕО)

Фото: EPA-EFE/VIDAR RUUD

Анти -владините протести во Иран нагло ескалираа откако властите во Техеран ја зголемија цената на нафтата и нафтените деривати.

Немирите и судирите на демонстрантите и полицијата се регистрирани во десетина градови низ земјата, а во судирите досега загина еден полицаец како резултат на здобиените повреди од физичката пресметка со гневните демонстранти.

Ден претходно, во судирите загина и еден демонстрант, но се стравува дека бројт на жртвите во немирите е многу поголем.

Гневните демонстранти упаднаа во неколку полициски станици, а со цел да се спречи организирање преку социјалните мрежи на поголем број на учесници во протестите, владата целосно го блокираше интернетот.

Зголемувањето на цената на горивата беше критикувано и од дел од иранските верски водачи како и од секуларните функционери.

Сепак, зад зголемувањето на цената на нафтата застана ајатолахот Али Хамнеи како и претседателот Хасан Рохани со објаснување дека немирите се организирани од страна на криминалци и надворешни фактори кои сакаат да ја дестабилизираат Иранската Исламска Република.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот