„Се шетав со рак на кожата“: Млада инфлуенсерка добила шокантна дијагноза
Британската ријалити sвезда и инфлуенсерка, 21-годишната Моли-Меј Хејг, ја открила шокантната дијагноза откако нејзината мајка го забележала израстокот додека ја гледала во емисијата „Остров на љубовта“.
Откако ја отстранила, таа дознала дека бенката бил канцерогена. Sвездата на реалното шоу „Остров на љубовта“ се расплакала кога лекарот ѝ рекол преку телефон дека бенката е мелигнен меланом – вид рак на кожа.
Моли-Меј раскажала низ што поминувала по нејзината „шок“ дијагноза, велејќи дека: „шетала со рак на кожата на ногата“.
– Одев со рак на кожата на ногата – им рекла Моли-Меј на обожавателите.
Веста ја дознала додека била на службено патување во Италија. Таа отишла на низа прегледи, а двајца дерматолози дури ѝ рекле дека нема за што да се грижи. Но, кога побарала трето мислење, биопсијата покажала дека станува збор за малигнен израсток.
Откако му ја испорачала дијагнозата од неодамнешната биопсија, лекарот преку телефон ѝ рекол дека станува збор за малигнен меланом. Моли се расплакала кога ја слушнала веста.
– Ни самата не знам што да мислам или да кажам. Не можам да верувам дека другите лекари ми рекоа дека е во ред. Толку сум вознемирена и бесна – рекла Моли откако дознала за дијагнозата и ги замолила сите да ги проверат своите бенки.