Европскиот шампион Ливерпул претставува страв и трепет за своите противници и тоа поради неверојатно трио кое го сочинуваат Салах, Мане и Фирмињо. Токму напаѓачката тројка е најзаслужна што минатата сезона „црвените“ триумфираа во Лигата на шампионите, а сезоната во 12. кола од Премиер лигата имаат дури 11 победи.

Сепак, според најавите од Шпанија, се чини дека пеколното трио на Ливерпул ќе се растури, а прв кој ќе си замине е Роберто Фирмињо. Според „Дон Балон“, бразилскиот репрезентативец сам и се понудил на Барселона која веќе ја бара замената за Луис Суарез.

Фирмињо е член на Ливерпул од 2015 година кога за сума од 41 милион евра пристигна од германскиот Хофенхајм, а актуелниот договор со Ливерпул му е до 2023 година. Тој во 149 натпреари во дресот на „црвените“ постигна 51 гол.