Спикерот на Собранието Талат Џафери по повод распуштање на Собранието говореше дека треба да се обезбеди потребното мнозинство за да се распушти Парламентот.

Што значи дека од 120 избрани пратеници треба да има над 60 пратеници, односно 61 пратеник, за да се заокружи мандадот на овој парламетарен состав.

Џафери се заблагодари за довербата на пратениците во него и работата на Собранието.

Сите 108 пратеници ја изгласаа Предлогот- одлуката за распуштање на Собранието, со што се исполнија условите предвремените избори да се одржат на 12 април, како што претхоно беше договорено.

Одлуката за самораспуштање беше поднесена од спикерот Талат Џафери, кој во своето обраќање рече дека по направената консултација на 10 февруари со Државната изборна комисија, денешниот ден е последен рок за распуштање на Парламентот.

– Одговорот од ДИК беше дека тие можат да обезбедат соодветен тек на процесот во рок од 55 дена од моментот на самораспуштање на Собранието поради фактот што предвремените избори се поврзани со чинот на распуштање на Собранието, а не со политички одлуки. И поради таа причина, анализирајќи и пресметувајќи ги сите рокови, последниот момент на распуштање на Собранието треба да биде денес со цел да се обезбедат сите рокови и постапки навремено, појасни Џафери.

Посочи дека сите одлуки што биле донесени во Парламентот се донесени во интерес на граѓаните и на државата.

– Како луѓе човечки е нешто и да сме погрешиле. Што се однесува до мене ако сум згрешил, грешката не сум ја направил намерно и јавно се извинувам, потенцира Џафери.