Се повеќе лекари и просветни работници бараат смена на српскиот Кризен штаб

Во судбините и приказните на лекарите тие ја препознале парадигмата на животот на наставниците.

Расте бројот на лекари и просветни работници, организирани во групата Обединети против Ковид-19, кои се незадоволни од работата на Кризниот штаб на Србија и бараат од владата негова смена.

Како што јави дописникот на МИА од Белград, досега отвореното писмо и своето незадоволство го имаат потпишано над 2.700 лекари и над 1.500 просветни работници.

-Просветните работници сметаат дека сега е вистинско време да ги поддржат своите колеги лекари во нивното право на критичко мислење и слобода на изразување, а особено да ги осудат сите притисоци и напади на кои се изложени потписниците на оваа иницијатива,изјави Весна Војводиќ од синдикатот на просветните работници „Независност “.

Таа додаде дека во судбините и приказните на лекарите тие ја препознале парадигмата на животот на наставниците.

-Ние овој удар на лекарите го гледаме како удар врз образованието. Како можеме да ги научиме учениците, младите, да го ценат знаењето во оваа земја, ако тие, како сега докторите, доживеат понижување, етикетирање и на некој начин тривијализирање на нивното знаење и стручност. Како може еден млад човек да ми поверува кога ќе му кажам дека треба да учи и дека ќе биде ценет и дека ќе биде член на заедница чие мислење се почитува, кажа Војводиќ за ТВ Н1.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот