Се поправа пешачката патека во Тафталиџе оштетена од паднато дрво

Во општина Карпош се санираат штетите што ги предизвика силното невреме кое пред два дена го зафати Скопје. Интензивниот ветер и поројниот дожд, како што информираат од локалната власт, предизвикаа материјална штета на булеварот Теодосиј Гологанов број 74 , во близина на супермаркетот „Веро“, во населбата Тафталиџе 2.

На оваа локација од падот на масивно дрво беа оштетени два автомобила, а поголемо оштетување претрпе и пешачката патека. По дојава од локалните жители, тимот на ЈП „Паркови и зеленило“ излезе на терен и го отстрани поголемиот дел од паднатото дрво, додека пак екипата за брзи интервенции за колско – пешачки патеки која ја ангажираше Општина Карпош, реагираше соодветно и го отстрани коренот од дрвото кое значително ја оштети пешачката патека – велат од Карпош.

Оттаму додаваат дека во моментов, екипата за брзи интервенции ја санира оштетената пешачка патека, при што таа ќе биде опремена со нова бекатонска подлога, односно плочки, и ќе биде вратена во првобитна состојба.

Видео на денот