Се подготвува спектакуларна размена, во центарот на вниманинето е Халанд
Иако неговиот агент изјави дека Челси не е меѓу посакуваните дестинации на Ерлинг Халанд, „сините“ од Лондон не се откажуваат од идејата да дојдат до услугите на фантастичниот напаѓач.
Челси се чини дека има адут во ракавот за да дојде до Халанд и е подготвен да го жртвува Тимо Вернер.
Како што пишува Фудбал инсајдер, менаџерот на Челси, Томас Тухел по секоја цена го сака Халанд и наводно дал зелено светло во евентуалниот трансфер да биде вклучен и Вернер плус одредена сума на пари.
Засега сумата која Челси планира да ја понуди не е позната, но се шпекулура дека таа би изнесувала приближно на цената која минатото лето „сините“ ја платија за да дојдат до Вернер, околу 60 милиони евра.
Оваа понуда изгледа добро и за Борусија Дортмунд која би добила екстра напагач, но прашање е дали Халанд сака да се пресели во Челси кога интерес за него пројавуваат Реал Мадрид и Барселона.