Се планираат натпревари на секои три дена во ЛШ!?
Годинашните натпревари во ЛШ ќе продолжат на почетокот на август, кога се очекува да завршат сите првенства.
УЕФА има намера да ја започне групната фаза во Лигата на шампионите за следната сезона не порано од 20 октомври, пренесува „Фудбал Италија”.
Изворот воедно пишува дека годинашните натпревари во ЛШ ќе продолжат на почетокот на август, кога се очекува да завршат сите првенства.
Потоа, во рок од две недели, ќе се игра четвртфиналето и полуфиналето, а екипите ќе играат на секои три дена.
Финалето е закажано за 29 август, моментно целта е да продолжат и мечевите во Лигата на Европа на 2 и 3 август, а финалето да се одигра на 27 август.
До прекинот на сезоната поради пандемијата на коронавирусот, во ЛШ познати беа првите четири патници во четвртфиналето: ПСЖ, Лајпциг, Аталанта и Атлетико Мадрид.
Останатите четири треба да се дознаат после одигрувањето на реванш осминафиналните мечеви: Манчестер сити-Реал Мадрид (2:1), Баерн Минхен-Челзи (3:0), Јувентус-Лион (0:1) и Барселона-Наполи (1:1).