На тајна церемонија во Мајорка, Герет Бејл се венчал со долгогодишната девојка Ема Рис Џонс, пишува The Sun. Парот го кажал судбоносното да пред 60 блиски пријатели и членови на семејството, а за церемонијата е изнајмено и посебно обезбедување, за кое се верува дека е поврзано со семејната драма која веќе неколку години ја преживува Ема.

Нејзиниот татко Мартин отслужил шестгодишна казна затвор поради проневера и перење пари, а ни остатокот од нејзиното семејство не е далеку од криминал и многумина се занимаваат со препродавање на дрога. На венчавката не биле поканети ни дедото и бабата на Ема, кои ја одгледале, пишуваат странските медиуми.

Венчавката требало да се одржи минатата година во Тоскана, и да пее Бијонсе, ама била одложена поради катастрофалните односи во семејството на Ема.

Герет Бејл и Ема се во врска уште од средно училите и имаат две деца. Ема на почетокот на врската работела како фризерка во Кардиф. Нема јавни профили на Фејсбук и Инстаграм, скромно се облекува и е посветена на семејството.