Во текот на денешниот ден службите за зимско одржување на патиштата при општина Тетово работеа на патиштата кон потшарпланинските села, информираат од тетовската локална самоуправа.

-Во моментот се чистат патиштата: Шипковица-Бродец-Вешала-Бозовце, патишта во населбите Расадиште, Гајре и Лисец, како и патот Селце-Лавце и Вејце. За да се спречи замрзнувањето во вечерните часови, исчистените патишта се третираат и со сол, потенцираат од општина Тетово.

Најдолгиот и најфрекфентен планински патен правец регионалната делница 1209 Тетово-Попова Шапка се расчистува од снег од страна на тетовската секција на Јавното претријатие за одржување и заштита на магистрални и регионални патишта (Македонија пат).

Од таму информираат дека патот е прооден но постојано се работи на отстранување на снег од коловозната лента со оглед на интензивните врнежи од снег.