Се огласи тренерот на Медведев кој си замина среде меч
Голем скандал се случи за време на финалето на турнирот во Хале, кога првиот тенисер на АТП ранг-листата, Данил Медведев му се развика на својот тренер Жил Серварa, а тој си ги собра работите и го напушти стадионот.
Медведев во финалето загуби од од Полјакот Хуберт Хуркач во два сета и фрустрацијата и бесот ги искали врз својот долгогодишен тренер Сервара.
Сервара не издржа стана и го напушти мечот по што многумина помислија дека тоа ќе биде крај на нивната успешна соработка, но во меѓувреме се смирија и ја продолжија соработката.
– Данил ги губи нервите поради детали или затоа што противникот е подобар од него. Не успева да се смири и потоа сè ескалира. Кога работите одат толку далеку, нема што да се прави и единствено решение е да си заминете од трибините. Во мојот случај, јас го напуштив теренот затоа што не ја прифатив таа ситуација – изјави Сервара за немилиот настан во Хале.