Се огласи ривалката на Лукашенко: Подготвена сум да преземам одговорност и да се однесувам како национален лидер
Противкандидатката на Александар Лукашенко на претседателските избори, Светлана Тихановскаја, денеска изјави дека е подготвена да стане национален лидер.
– Јас сум подготвена да ја преземам одговорноста и да дејствувам како национален лидер со цел да ја смирам ситуацијата во земјата и да ја вратам во нормален ритам – нагласи таа во видео пораката објавена на нејзиниот јутјуб-канал.
Во исто време, Тихановскаја побара ослободување на сите политички затвореници, како и подготовка на правна рамка и услови за нови претседателски избори, што ќе бидат признати од меѓународната заедница.
Протестите во Белорусија траат од минатата недела, кога по одржувањето на претседателските избори, Александар Лукашенко прогласи победа тврдејќи дека осовил 80 проценти од гласовите, а неговата противкандидатка, Светлана Тихановскаја освоила само околу 10 проценти од гласовите.
Според снимките кои протекоа на социјалните медиуми и неколку медиуми во Белорусија, вистинскиот исход од изборите е всушност спротивен, односно Тихановскаја освоила над 70 проценти од гласовите.
Во вторникок изборниот штаб на опозициската кандидатка на претседателските избори соопшти дека белоруските власти ја принудиле Светлана Тихановскаја да ја напушти земјата.
Тихановскаја: Донесов тешка одлука да ја напуштам земјата и знам дека многу ќе ме мразат за тоа