Училиштето „Гоце Делчев“ во Прилеп

Се огласи директорката на училиштето во Прилеп: Ученикот кој падна од прозорец е одличен и примерен

Директорката на училиштето „Гоце Делчев“ во Прилеп, Снежана Котева, се огласи откако денеска ученик падна од прозорец во училиштето и тешко се повреди.

Таа вели дека станува збор за ученик кој е „беспекорно послушен, дисципиниран, воспитан, одмерен, дружељубив, трудољубив, редовен ученик со одличен успех и примерно поведение“.

Нејзиното соопштение прочитајте го во целост:

„Во текот на вчерашниот ден во попладневната смена, за време на големиот одмор, се случи пад на ученик од втор кат на училиштето. Веднаш по известувањето за случката отидовме на местото и ученикот беше во контактибилна состојба, свесен временски и просторно.

Во истиот момент од моја страна е повикана единица за итна медицинска помош, која интервенираше веднаш. Потоа ученикот е транспортиран со амбулантно возило до одделението за анестезија и трауматологија, во општата болница „Борка Талески” – Прилеп во наше присуство, мое и на класниот раководител.

По одредени испитување добиена е препорака за транспорт на ученикот во државната болница „Мајка Тереза”- оддел клиника за детска хирургија како придружба на мајката во периодот на хоспитализацијата на ученикот и дополнителните испитувања присутни бевме јас, како раководител на институцијата и класниот раководител на ученикот.

Касно околу полноќ од дежурниот лекар на клиниката за детска хирургија добивме информација дека ученикот е во добра општа здраствена состојба, контактибилен, со одредени повреди, но е надвор од животна опасност и е во стабилна здравствена состојба.

Сакам да истакнам дека станува збор за ученик кој е беспекорно послушен, дисципиниран, воспитан, одмерен, дружељубив, трудољубив, редовен ученик со одличен успех и примерно поведение.

Од страна на вработените во училиштето е постапено навремено и правилно. Дежурните наставници најодговорно ја извршуваат својата обврска, во однос на дежурствата и присуството во ходниците во училиштето, почитувајќи го кодексот на однесување.

Моменталната состојба после обавениот разговор во текот на денешниот ден со родителот е стабилна и под контрола”, напиша директорката Котева.

11-годишен ученик од Прилеп паднал од 3 кат во ОУ „Гоце Делчев“

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот