Се нормализира водостојот на Охридското Езеро
Снегот што се топи на планините ги интензивира водотеците на реките од сливот на Охридското Езеро, така што ситуацијата на водостојот на езерото веќе е во границите на нормалата.
Само за една седмица нивото на езерото порасна за седум сантиметри, така што денеска е на котата 693,42 метри надморска височина, што е сантиметар над просекот за февруари или 32 сантиметри над минимално дозволеното ниво (693,10).
Тоа е значајно подобрување на хидролошката ситуација, особено доколку се има предвид дека сушниот период есента резултираше нивото на Охридското Езеро да се спушти на 693,09 м.н.в. или сантиметар под дозволениот минимум.
И температурата на водата е во рамки на просекот на февруари, односно денеска таа изнесува шест степени Целзиусови.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот