Општина Битола почна со реализација на проект за конзервација и реставрација на излози во Стара битолска чаршија со кој опфатени се 38 излози на објекти со големо културно историско значење.

Проектот е во вредност од 3,8 милиони денари, субвенциониран од Министерството за економија, согласно програмата за туризам за 2018 година, а Општина Битола ги заврши сите потребни процедури за успешна реализација на проектот и промена на излозите кои се во сопственост на АД за изградба и стопанисување со станбен и деловен простор од значење за Републиката.

За време на увидот на проектните активности градоначалничката Наташа Петровска беше информирана за текот и динамиката на конзервацијата и реставрацијата. Во моментов се работи на промена на излозите на објектот Стара аптека. Досега се поставени 15 нови излози од предвидените 38.

Активностите продолжуваат до комплетна реализација на проектот.