Се мачите со сув воздух во вашиот дом? Еве која билка ќе ви го реши проблемот

Водена палма/Wikipedia
Водена палма/Wikipedia

Сувиот воздух е карактеристичен за простории во кои се грее, но знае да биде и опасен, затоа што во него може да се задржат вируси и бактерии. Притоа, грлото и носот ви се сушат. Што да направите во овој случај?

Зимските месеци нужно бараат да се згреете, а бидејќи не е пријатно ни ефикасно да разладувате пречесто или да отворате прозорци, за освежување на воздухот постои едно билно и безопасно решение – а тоа е растение кое ќе ви биде навлажнувач на воздухот. Водена палма или Cyperus alternifolius е билка со потекло од Мадагаскар. Таа расте и до два метри висина, а карактеристична е по обликот на листовите кои се шират како лентички растејќи од малечките стебленца.

Единствена обврска околу оваа билка е да ја наместите во агол каде ќе ја фаќа сонце и обилно полевајте ја со вода. Водената палма бара доста вода, затоа што на тој начин таа „пушта“ пареа и ќе ви го навлажнува воздухот. Можете да ја чувате како саксиско цвеќе или во сад со вода, како водена култура.

водена палма/Stock foto
водена палма/Stock foto

Вакви собни растенија генерално помагаат да се одржи влажноста на воздухот во вашиот дом, затоа што влагата испарува низ лисјата што е особено важно затоа што без оглед дали греете со парно или клима уреди, воздухот станува сув по одредено време.

Водената палма е совршен предлог за вас, а можете да си набавите малечка или голема по раст. Овие благородни билки ослободуваат и по два литри вода дневно.

Видео на денот