Се јави сопругата на Шумахер: Михаел направи се за мене
Сопругата на седумкратниот Формула 1 шампион, Михаел Шумахер, Корина ретко се појавува во медиумите, а по несреќата од 2013 година во која Германецот доживеа страшна повреда поради која е во кома, воопшто и ја нема во јавноста.
Корина Шумахер одлучи по пауза од шест години конечно да проговори, таа зборуваше за ранчот со коњи кои се пасија на ќерката Џина. На ранчот има и коњ кој е од посебно значење за Корина бидејќи го доби како подарок од Михаел за 10. годишница од бракот.
– Михаел направи се за мене, не заборавив на кого треба да му се заблагодарам. Михаел постојано ми зборуваше: „Кога возиш автомобил можеш да го ставиш во гаража, но коњот мора постојано да го има твоето вниманието и љубов, дури и во недела“ – зборува Корина за љубовта кон коњите кои и помогнаа да ги преживува тешките моменти за семејството.
– Кога имав 30 години, многу сакав да имам свој коњ. Заедно со Михаел заминавме во Дубаи каде купивме еден арапски коњ. Тој има посебно значење за мене и Михаел – вели Корина Шумахер.
Таа во своја сопственост има дури 40-тина коњи на два ранча, во Швајцарија и во Тексас.
Корина веќе шест години се грижи за Михаел Шумахер кој по падот на скијање на Алпите, доживеа тешка повреда на главата и се наоѓа во кома. По неколку операции, Германецот беше ставен во индуцирана (вештачка) кома и се наоѓа во семејниот дом во близина на Женевското езеро.
