Се јави МОН: Првиот училиштен ден заврши успешно, платформата „Microsoft teams” се покажа стабилна

Министерството за образование и наука (МОН) соопшти дека првиот училиштен ден мина успешно за најголем дел од учениците во државата. Физичката настава, онаму каде што Владината комисија утврдила дека има услови, се одржува согласно протоколите пропишани од здравствените власти.

Од МОН посочуваат дека платформата „Microsoft teams” се покажа како стабилна за одржување на онлајн настава и во најголем дел учениците и наставниците денеска се приклучиле успешно или со помали тешкотии. Од утрово, како што потенцираат, успешно се реализира и емитувањето на 15 минутните часови на телевизија преку Националната радио телевизија за што однапред се објавени распоредите.

МОН укажува и дека одлуката за следење настава со физичко присуство ја носат здравствените експерти.

Прочитајте и...  Д-р Беќаровски: КОЛКУ СМЕ ЗАГЛАВЕНИ И ЗАРАЗЕНИ ???

– Следејќи ги нивните насоки при организација на наставата, МОН имаше два приоритета – заштита на здравјето на сите учесници во образовниот процес и обезбедување на пристап до образование за секое дете. Бојкот на наставата целосно го деградира образовниот процес, а најголемата штета од ова трпат токму децата. Образовниот процес мора да продолжи – клучно за развојот на секое дете е да ја следи наставата, без разлика дали е тоа онлајн, или со физичко присуство, посочија од Министерството.

Оттаму апелираат сите да останат посветени и доследни на одговорноста која, како што велат, секој од нас ја носи во заштита на здравјето на децата, но и на јавното здравје.

– Оваа година е несомнено различна од сите останати. Меѓутоа, она што е важно е што сите ученици имаат можност да следат настава и се во континуирана комуникација со наставниот кадар. МОН, заедно со сите учесници во креирање на онлајн платформата продолжува и натаму будно да ја следи состојбата на терен. Надлежните власти продолжуваат да ја следат епидемиолошката слика во секоја општина и да носат одлуки согласно актуелната состојба, се наведува во соопштението на МОН.

Прочитајте и...  Презентирана е нов вид маска за повеќекратна употреба за заштита од ковид-19

Поврзани вести

ВОЗНЕМИРУВАЧКО ВИДЕО: Мигрант безмилосно нападна стара жена

Илинка Иљоска

РКЕ: Пенали за компаниите, ако не ги греат граѓаните

Слободен печат

Ларда: Сакаме да ги направиме грчките производи уште подостапни

Весна Дамчевска

Народна банка ја засилува битката против фалсификуваните евра

Слободен печат

Скопскиот регион со најголемо учество во БДП

Слободен печат

Освен пандемијата зимава на Балканот му се закануваат и катастрофални поплави

Слободен печат

Остави Коментар