Португалецот ќе седне на клупата на Рома од следната сезона откако со италијанскиот тим денеска потпиша тригодишен договор. Мурињо ќе го наследи Пауло Фонсека кој одби да си поднесе оставка по убедливиот пораз од 6:2 од Манчестер јунајтед во првиот полуфинален натпревар во Лигата на Европа.

– Благодарност на семејството Фридкин што ме избра мене да го водам овој одличен клуб и да бидам дел од нивната визија. По состанокот со сопственикот и Тијаго Пинто веднаш ги разбрав нивните амбиции и идеи. Заедно сакаме да изградиме победнички проект наредните години – изјави Мурињо.

Португалецот со нетрпение го очекува стартот на новата сезона во Серија А каде се враќа по 11 години кога со Интер ја освои тројната круна, триумфира во Купот на Италија, во Серија А и во Лигата на шампионите.
– Неверојатната страст на навивачите ме убеди да ја вратам во Италија и Рома и со нетрпение го очекувам стартот на новата сезона. Во меѓувреме на Пауло Фонсека му посакувам се најдобро и се надевам дека медиумите ќе го почитуваат тоа што нема да зборувам многу, односно додека трае сезоната – додаде Мурињо.