Се градат и асфалтираат улици во приградските населби во Ѓорче Петров
Откако завршија работните активности во населеното место Кисела Јабука, каде екипите на ЈП „Улици и патишта“ деновиве целосно асфалтираа пет улици 46, 46А, 68, 4 и 6, Општина Ѓорче Петров продолжува со изградба на нови улици, а четири улици во Ново Село за првпат ќе добијат асфалт.
Станува збор за улици кои досега не биле асфалтирани, односно за првпат се асфалтираат на барање на граѓаните да добијат улици и услови какви што заслужуваат. Градежните активности за асфалтирање на останатите локални улици во населените места Волково, Кисела Јабука, Даме Груев, Ново Село и Стопански Двор се одвиваат со забрзана динамика – информира градоначалникот Александар Стојкоски.
Во овие пет населени места во Општина Ѓорче Петров се гради нова патна инфраструктура со вкупна должина од околу 5 километри.