Се бришеа графити со говор на омраза
Денеска по повод Светскиот ден на чистењето, со градоначникот Петре Шилегов и директорот на ЈП „Комунална хигиена – Скопје“ Абдусамед Шабани ја најавивме акцијата за собирање кабаст отпад која ќе се одвива од 21 до 24 септември, вели градоначалникот на Центар Саша Богдановиќ.
– Во акцијата ќе бидат отстранети и сите графити со навредлива содржина кои промовираат говор на омраза – напиша Богдановиќ.
Скопскиот градоначалник Петре Шилегов пак истакна дека во рамките на есенската акција за чистење на градот, посебни тимови ќе ги бришат и пораките на ѕидовите на зградите и објектите низ градот низ кои се искажува говор на омраза.
– Тоа не значи дека градот е против урбаната уметност на графитите, туку против говорот на омраза. Урбаната уметност и графитите се симбол на секој град и Град Скопје го стимулира тоа, меѓутоа содржини со говор на омраза се неприфатливи – рече Шилегов.