СДСМ: Водство во Карпош, Центар, Делчево, Берово, Пехчево и Пробиштип
Според првичните информации од СДСМ, владејачката партија освоила градоначалнички места во седум општини засега.
Од партијата тврдат дека водат во Делчево, Берово, Пробиштип, Богданци и Пехчево и во скопските општини Карпош и Центар.
Засега информации од СДСМ има само за овие општини.
Според нив, актуелниот градоначалник на Скопје, Петре Шилегов со 10 илјади гласови води пред независната кандидатка Данела Арсовска. Ова се неофицијални и први информации од партијата.
Опозициската ВМРО-ДПМНЕ според нивните извори, прогласи победа на изборите, истакнувајќи го своето водство во поголем број од големите општини.