СДСМ: ВМРО-ДПМНЕ вршеше упади во телевизии, апсеше новинари и затвораше медиуми, а денес шири лицемерна грижа за новинарството

ВМРО-ДПМНЕ е симбол за закани уцени и притисоци врз медиуми и новинари. Ниту едно лицемерно соопштение од белиот дворец нема да го смени фактот дека 11 години нашата држава беше заробена и се наоѓаше на дното во Европа по медиумски и новинарски слободи. Ништо не го брише фактот дека 11 години ВМРО-ДПМНЕ апсеше, тепаше, притвораше новинари и затвораше медиуми, реагираа од СДСМ на соопштението на ВМРО-ДПМНЕ во кое се повикуваат новинарите да не се плашат од Заканите на Заев.

„Јавноста, граѓаните и новинарите многу добро знаат кој ја злоупотреби полицијата за упад во приватна телевизија, кој поттикнуваше физички напади на новинари, кој ставаше во затвор новинари, кој поттикуваше да се испраќаат посмртни венци на домашни адреси на новинари. Денес, откако власта ја предводат СДСМ и премиерот Зоран Заев, државата бележи значаен скок на светските листи по однос на слободата на говор, не се напаѓаат, претепуваат, закануваат, малтретираат новинари како што тоа беше во времето на режимот на ВМРО-ДПМНЕ. Министерството за внатрешни работи постапува и не служи како апарат за репресија кон новинари, а монтираните судски процеси против новинари и медиуми се минато. Медиумите се дел од сите легислативни процеси кои се однесуваат на нив, врз нив не се присилно наметнати законски решенија кои ја ускратуваат слободата на изразување.

Нема поголемо лицемерие од тоа ВМРО-ДПМНЕ да зборува за состојбата во новинарството кога токму таа партија е симбол за цензура, за уцени, притисоци и закани кон медиуми и новинари“, се вели во реакцијата на СДСМ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот