СДСМ: Ставовите на Заев се ставови на партијата, граѓаните избраа иднина, а Црвенковски е историја
Вицепремиерот Љупчо Николовски на Фејсбук го сподели партиското соопштение на СДСМ дека ставовите на премиерот Зоран Заев се и ставови на партијата.
„Искажаните ставови на претседателот на партијата и премиер, Зоран Заев, се ставови на СДСМ.
Овие ставови се изградени во рамки на партијата и нејзините органи, овие ставови се државни ставови и државни позиции, врз основа на довербата на граѓаните на последните избори.
Став на партијата, на Владата, на претседателот Заев, но и државна позиција е дека македонската иднина е во Европската Унија, дека Македонците со својот македонски јазик чекорат напред кон Европа, кон просперитет и кон пријателство со сите соседи.
Знаат граѓаните што е вистина и кој се бори за македонската иднина, кој го заштити македонскиот идентитет во најтешките преговори во историјата на земјата.
Знаат граѓаните кој носи одлуки без разлика на политичката кариера, исклучиво водејќи се од интересот на целиот наш народ и татковината.
ВИДЕО | Заев: Сакам да му помогнам на мојот македонски народ
Моќта на СДСМ произлегува од секој член на СДСМ и од високата свест за одговорност и државништво на секој член на СДСМ.
СДСМ и македонските граѓани избраа иднина и избраа да чекорат напред, многу одамна, а Црвенковски е историја.“, напишаа од СДСМ.
Каракачанов: Му честитам на Заев, направи чекор во вистинската насока
Филипче: Заев носеше тешки, но исправни одлуки, мора да продолжиме по патот кон ЕУ