Очајните обиди на Христијан Мицкоски и на ВМРО-ДПМНЕ за блокирање на работата на Собранието во услови на сериозна светска пандемија на коронавирус е опасно, штетно, неодговорно и срамно однесување, се вели во соопштението на СДСМ.

– Немањето сопствен став, мерка или политика, Мицкоски и ВМРО-ДПМНЕ сакаат да го надоместат со тоа што ќе предизвикаат штета на граѓаните, во време кога им е неопходна помош од државата. Затоа бесрамно се обидуваат да блокираат носење на важни закони меѓу кои и оние за ваучерите од 6.000 денари, за помош на пензионерите, самохраните родители, слободните уметници и филмски работници, како и мерките за помош на лозарите, истакнуваат социјалдемократите во дописот до медиумите.

Според нив, Мицкоски и ВМРО-ДПМНЕ повторно застануваат спротивно од интересите на граѓаните,на стопанството, на државата.

– Очигледно дека очајот и нервозата кулминираат во ВМРО-ДПМНЕ откако јавноста дозна за одработувањето на Мицкоски за странски цели и интереси, па затоа поднесуваат илјадници нелогични амандмани преку кои се обидуваат да го блокираат Собранието. Залудни се обидите на Мицкоски. Деструктивноста, антидржавното и антинародно однесување на ВМРО-ДПМНЕ може да ја забави, но нема да ја спречи функционалноста на институциите, порачуваат од владеачката партија.