Претседателот на СДСМ, Зоран Заев, на својот фејсбук профил соопшти дека економскиот совет на СДСМ дефинира нов пакет мерки за заживување на економијата. Тој истакна дека партијата презема чекори во насока на стабилизација на економијата, а потоа и брзо враќање на растот и развојот на македонската економија.

-Во духот на солидарноста, социјалната еднаквост и праведност, грижа за секое работно место и секој работник, напиша Заев.

Вчера со соопштение во оваа насока се огласи и Центарот за комуникации на партијата од каде потенцираа дека мерките кои ќе бидат предложени до Владата се со цел полесно надминување на економските последици од коронавирусот, земјата навреме да може да фати чекор за заживување на македонската економија.