СДСМ: И покрај сериозноста на ситуацијата, никој нема да остане без здравствена нега

Во време кога есенскиот бран на пандемијата со коронавирусот е во полн налет, бројот на инфицирани расте, болничките капацитети се полнат, а здравствените работници се преморени, важно е сите да покажеме одговорност за сопственото и за јавното здравје, велат од СДСМ.

-Парламентарното мнозинство предводено од СДСМ и покрај обидите за опструкции од ВМРО-ДПМНЕ, ги донесе измените на Законот за заштита на населението од заразни болести. Со овие измени стапуваат на сила новите мерки, коишто се имплементирани во цела Европа и  гарантираат повисок степен на заштита и намалување на ширењето на коронавирусот. Покрај носење заштитна маска во затворени простори каде што може да се соберат повеќе лица во исто време, во државни институции и приватни деловни објекти, сега е задолжително носење заштитна маска и на отворен простор. Носењето маска не е потребно при возење во приватно патничко возило, ако возачот е сам или со лице со кое живее во заедница, при престојување во двор во семејна куќа со лица од исто семејство, или во угостителски објект каде се применуваат специфичните протоколи за заштита- велат од СДСМ.

Групирање на повеќе од четири лица на јавен простор по 22 часот е забрането, а угостителските објекти затвораат во 23 часот.

-Исто така, преполовен е капацитетот на патници во јавниот превоз и важи препораката, ако е можно да се работи од дома, онлајн. Инспекциските служби имаат поголеми ингеренции, а непочитувањето на мерките се казнува. Самоизолација од моментот на закажување на тестот до добивање на резултатот е задолжителна, а во случај тестот да биде позитивен на вирусот ковид-19, лицето останува во изолација. Со новите мерки е уреден и начинот на лекување на лица заболени од ковид во приватни установи. Интернисти од приватното здравство се спремни да учествуваат во работата во клиниките и болниците не само во Скопје туку и низ државата. И покрај сериозноста на ситуацијата, состојбата е под контрола и никој нема да остане без здравствена нега. Сега е неопходно сите граѓани доследно да ги почитуваат мерките и задолженијата за заштита од коронавирусот. Само на тој начин, заедно можеме- велат од владејачката партија СДСМ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот