Савиќ за ситуацијата со ковид-19 во Србија: Неповолна е, пациенти се разболуваат и по ревакцинацијата

Фото: youtube/rts/printscreen

Предраг Савиќ, заменик директор на Клиничкиот центар „Драгиша Мишовиќ“, денеска изјави дека епидемиолошката состојба во Србија се влошува и ја оцени како крајно неповолна, истакнувајќи дека во болницата се сместени 172 пациента во моментот од кои осум деца и 11 трудници.

– За 24 часа имавме 19 приеми и практично останавме со само три слободни кревети. Многу сме напнати, имаме 64 пациенти во единицата за интензивна нега, изјави Савиќ за РТС.

Говорејќи за овој бран на пандемијата, тој укажа дека клиничката слика е доста тешка и прогресијата на воспаление на белите дробови е побрза одошто беше случај во досегашните бранови на вирусот.

Притоа изрази надеж дека граѓаните сфатиле оти, како што рече, „ако сами не се чуваме, нема да не чуваат ниту вакцините“.

– Мислам дека граѓаните се опуштија. Доста пациенти се разболеа меѓу првата и втора доза на вакцина. Тоа значи дека не се почитувале стандардите во процедурата и потребата луѓето да водат грижа и по ревакцинацијата, додаде Савиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот