Саутемптон ни „буди“ убави спомени, но не и за Косово! (ВИДЕО) – Слободен печат
СпортФудбал

Саутемптон ни „буди“ убави спомени, но не и за Косово! (ВИДЕО)

И во својот четврти натпревар од квалификациите за ЕП 2020 година славеше најдобрата англиска репрезентација овој пат против Косово со резултат 5:3.

На стадионот „Ст. Мери’с“ во Саутемптон каде што своевремено одигравме историски 2:2 пред 17 години против Англија, но сега немаше изненадување иако вечерва беа реализирани дури осум голови.

Уште во првата минута изненадувачки поведе Косово преку Бериша, но брзо се врати „Гордиот албион“ и постигна дури пет голови во првото полувреме.

Најпрвин израмни Стерлинг во осмата минута, па за 2:1 се погрижи Кејн, а непосредно пред паузата двапати во листата на стрелците се запиша Санчо.

Во вториот дел за период од пет минути фудбалерите на Косово постигнаа уште два гола преку Бериша и Муриќи од пенал.

Интересно ова е само прв пораз на Косово во овие квалификации после пет одиграни натпревари, моментно на табелата во групата А води Англија со 12 бодови, пред Чешка со девет, Косово (осум), по два имаат Црна Гора и Бугарија.

Да додадеме уште дека ѕвездата на Јувентус, Кристијано Роналдо постигна четири голови во гостинската „петарда“ на Португалија против Литванија во Вилнус.

Квалификации ЕП 2020, резултати:

Албанија-Исланд 4:2
Англија-Косово 5:3
Франција-Андора 3:0
Литванија-Португалија 1:5
Луксембург-Србија 1:3
Молдавија-Турција 0:4
Црна Гора-Чешка 0:3

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close