Саудискиот воен бенд се посрамоти при свирење на руската химна, погледнете ја реакцијата на Путин (ВИДЕО) – Слободен печат
ВестиПланета

Саудискиот воен бенд се посрамоти при свирење на руската химна, погледнете ја реакцијата на Путин (ВИДЕО)

На социјалните мрежи стана вистински хит начинот на кој саудискиот воен оркестар ја интерпретираше руската химна.

Рускиот претседател, Владимир Путин, денеска беше пречекан во Ријад во рамките на официјалната посета на Саудиска Арабија, а кралот Салман бин Абделазиз, како подарок од рускиот претседател доби сокол од Камчатка.

Меѓутоа, на социјалните мрежи стана вистински хит начинот на кој саудискиот воен оркестар ја интерпретираше руската химна.

На една од снимките, било пуштено како химната треба да звучи, а потоа со ознака „Саудиски ремикс“, било пуштено како песната всушност била отсвирена.

Уште при првите тактови станало јасно дека овие две верзии немаат голема поврзаност една со друга.

Ова предизвика многу коментари на социјалните мрежи, меѓу кои можеше да се прочитаат и такви како: „Па, барем се обиделе“, како и „Можеле барем малку да повежбаат“.

Еден од коментарите меѓутоа повикува на тоа да се обрати внимание на реакцијата на Путин.

Иако се гледа како стои мирно и не сака да покаже дека се чувствува непријатно, неговиот израз на лицето беше инспирација за социјалните мрежи да „експлодираат“ од коментари.

„Која е оваа мелодија, ја имам слушнато некаде од порано“, „Се обидоа, но како и Русите, се борат до самиот крај“, гласеа само некои од коментарите во однос на реакцијата на рускиот претседател.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close