САУДИСКИОТ ПРИНЦ ПРВПАТ ПРОГОВОРИ ЗА КАШОГИ: Јас сум одговорен, тоа се случи под моја власт

Саудискиот престолонаследник Мохамед бин Салман призна дека ја сноси одговорноста за бруталното убиство на новинарот Џамал Кашоги кое саудиските оперативци го направија во зградата на конзулатот на Саудиска Арабија во Истанбул, пишува „Ројтерс“.

Бин Салман тоа го кажа во документарецот на Пи-Би-Ес кој треба да се емитува следната недела. Ова е првпат принцот престолонаследник, дефакто владетел со Саудиска Арабија, јавно да зборува за убиството кое го здрма кралството и поради кое медиумите од западот вршеа голем притисок на своите влади построго да се постават кон Саудиска Арабија.

Изјавата на Бин Салман е интригантна особено поради обвиненијата дека самиот тој го нарачал убиството на Кашоги, во што се сомневаа и ЦИА и уште некои разузнавачки агенции на западните земји. Секако, Саудијците тврдеа дека принцот со тоа нема никаква врска.

Прочитајте и...  ЕКОНОМСКИ ПРЕДИЗБОРНИ ВЕТУВАЊА: Партиите се наддаваат со плати и со пензии за граѓаните

Но, целиот скандал секако имаше големо влијание врз принцот и Саудиска Арабија вели дека откако протекоа податоци и детали за убиството, тој се уште ја нема посетено Европа или САД.

– Тоа се случи за време на мојата власт. Целата одговорност е моја, затоа што се случи за време на моето владеење – изјави тој за документарецот кој ќе биде објавен на 1. октомври.

Како што изгледа, ова „признание“ на Мохамед бин Салман е продолжение на призказната за „одметнатите оперативци“ која Саудијците започнаа да ја објавуваат, откако иницијално негираа било каква вмешаност во убиството. Но, како што доказите против нив се зголемуваа, а во јавноста протекоа и морничави аудио-снимки од убиството, беше јасно дека некој во Кралството мора да сноси одговорност за тоа дело. Секако, тоа не беше принцот престолонаследник, туку самите оперативци за кои речиси е сигурно дека делувале по негови напатствија, за подоцна да бидат обвинети дека работеле на своја рака, пишува „Јутањи.хр“.

Прочитајте и...  Спасовски: Секое дете заслужува шанса за правилен детски развој и заштита

Според „Јутарњи“, одржан е и монтиран процес во Саудиска Арабија, во чиј тек главната вина е ставена на првиот преговарач кој бил задолжен Кашоги да го „врати дома“. Обвинителнот за време на судењето изјави дека наредбата за убиството, и тоа преку програмот Скајп, ја изрекол Сауд ал-Кахтани, поранешен висок советник на Мохамед бин Салман. Вкупно за убиството се обвинети 11 лица, а засега се одржани само неколку рочишта.

Во текот на интервјуто, Бин Салман е запрашан како е можно целото убиство да се случи без негово знаење, а тој го избегна одговорот.

– Ние имаме 20 милиони граѓани. Имаме три милиони вработени – рекол тој.

Новинарот исто така го прашал зошто убијците користеле приватни авиони на власта.

Прочитајте и...  Мета може да го свика Советот за национална безбедност поради влошената состојба со Ковид-19

– Јас имам функционери, министри кои ги следат работите и тие се одговорни за тоа. Тие имаат дозвола да го прават тоа – наводно му рекол принцот на новинарот на Пи-Би-Ес, всушност кога камерите не биле вклучени.

За потсетување, Кашоги во зградата на саудискиот конзулат во Истанбул влезе на 2. октомври минатата година за да подигне документи неопходни за своето венчање. Таму е убиен, неговото тело е исечено на парчиња, а остатоците се уште не се пронајдени.

Прочитај повеќе

САД укинуваат визи за студенти кои учат на далечина

Слободен печат

Евакуација на 1,3 милиони луѓе поради обилни дождови во Јапонија

Слободен печат

Земјотрес од 6,6 степени во Индонезија

Слободен печат

Нов Зеланд ограничува места на меѓународни летови

Слободен печат

Партиите имаат уште 6 дена да ги претстават изборните понуди пред граѓаните

Слободен печат

Северна Кореја: Не планираме нов самит со САД, Сеул шири гласини

Слободен печат

Остави Коментар

Прочитај повеќе

Поголем број на оздравени од заболени лица, загриженост за нови случаи од Ковид-19 во регионот

Слободен печат

Трамп на Твитер: Училиштата мора да се отворат на есен

Слободен печат

Чавушоглу: Турција ќе одговори ако ЕУ воведе санкции

Слободен печат

Либански Хезболах и палестински Хамас: Планот на Израел е „агресија против палестинскиот народ”

Слободен печат

Карантин за луѓето кои во Црна Гора влегуваат од Србија

Слободен печат

Променливо облачно време со дожд, грмежи и силен ветер

Слободен печат