Саудиска Арабија ги отфрли обвинувањата за хакирањето на телефонот на Безос

Фото: МИА

Според весникот, телефонот на Безос бил хакиран откако добил порака преку „WhatsApp”, испратена од личниот број на принцот престолонаследник на Саудиска Арабија, Мохамед бин Салман.

Саудиска Арабија денеска ги отфрли како апсурдни, медиумските наводи дека стои зад хакирањето на телефонот на сопственикот на Амазон, Џеф Безос.

„Гардијан”, повикувајќи се на неименувани извори, објави дека Безос бил цел на хакери пет месеци пред убиството во 2018 година на саудискиот новинар Џамал Кашоги.

Според весникот, телефонот на Безос бил хакиран откако добил порака преку „WhatsApp”, испратена од личниот број на принцот престолонаследник на Саудиска Арабија, Мохамед бин Салман.

– Тврдењата во медиумите дека Кралството стои зад хакирањето на телефонот на Џеф Безос се апсурдни. Бараме да се спроведе истрага за утврдување на фактите, објави на Твитер саудиската Амбасада во САД.

Според резултатите од форензичката анализа, пораката била шифрирана и содржела заразени податоци.

Безос, кој е и сопственик на „Вашингтон пост”, до 1 мај 2018 година разменувал пријателска преписка, сè додека на телефонот не му стигнала датотека што не ја побарал од саудискиот принц, дознава „Гардијан”.

Од телефонот на Безос за неколку часа била преземени голема количина на податоци, но не се знае какви податоци биле преземени.

Новите информации можат да доведат до повторно отворање на истрага за активностите на Мухамед бин Салман и неговите блиски соработници пред убиството на Џамал Кашоги, кој беше новинар во „Вашингтон Пост”. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот